Hasiera 
BIZKAIAN EKIN Sariak
BIZKAIAN EKIN Sariak
BIZKAIAN EKIN Sariak banatzeko ekitaldia
Bizkaian Ekin sarien helburua da Bizkaian enpresa-ekimena bultzatzeko eta enpresak sortzeko ingurune egokia ezartzen duten pertsonen eta enpresen lana aitortzea.
Lehen edizioan, 2006an, hauek izan dira sarituak:
- KOMUNIKAZIOA:
TEKNOPOLIS. Zientziari eta teknologiari buruzko dibulgazio-saioa da eta zientziaren oinarrizko atalak jorratzen ditu. Horretaz gain, zientziaren efemerideen aipuak egiten ditu, zientzia- eta teknologia-gaiak sakontasunez aztertzen, eta ikertzaileei elkarrizketak egiten zaizkie. Elhuyar Fundazioak Euskal Telebistarentzat egiten du saioa.
- JAKINTZA-INGURUNEA:
CRISTINA GUTIÉRREZ-CAÑAS MATEO, Bilboko Ingeniarien Goi-Eskola Teknikoko katedraduna –U.P.V.-E.H.U. (Ingeniaritza Kimikoa eta Ingurumen departamentua), eta AIRg enpresaren sustatzailea. Enpresa hori ingurumen-ingeniaritzan aritzen da, eta industrian sortzen diren kutsadurak identifikatu, prebenitu eta kontrolatzeko produktuetan eta zerbitzuetan espezializatuta dago.
- ENPRESA TRAKTOREA:
-
Enpresa handia: GRUPO ORMAZABAL, 1967an sortutakoa, industrian aritzen da. Esperientzia zabala dauka tresna elektrikoen sektorean, eta azken urteetan beste sektore batzuetan dibertsifikatzeari ekin dio: telekomunikazioa, informatika eta segurtasuna
- ETE: ZIV, 1993an sortutakoa. Tresna eta sistema digitalak diseinatu, fabrikatu eta merkaturatzen ditu eremu honetan: energia elektrikoa sortu, garraiatu eta banatzeko sistemen babes, kontrol, neurri, ingeniaritza, zerbitzu eta komunikazioan.
-
Enpresa handia: GRUPO ORMAZABAL, 1967an sortutakoa, industrian aritzen da. Esperientzia zabala dauka tresna elektrikoen sektorean, eta azken urteetan beste sektore batzuetan dibertsifikatzeari ekin dio: telekomunikazioa, informatika eta segurtasuna
Sari-banaketa 2006ko azaroaren 28an egin zen Bilboko Euskalduna jauregian, eta hiru ekintzaile euskaldun handik hartu zuten parte:
- Alberto Iñurrategi. 33 urterekin hamalau zortzi milakoak igota zeuzkan, ibilbide teknikoenak aukeratuz eta bide berriak zabalduz.
- Miriam Ocariz. Marrazkigintzan duen maisutasuna modaren munduan erabiltzen du.
- Mikel Urizarbarrena. Birusen kontrako softwareak sortzen dituen Panda Software enpresako sortzailea eta lehendakaria da. Arlo horretako garrantzitsuenetakoa da enpresa hori.
